إسلوب تلبيس الطواقي – رفع سهم أي شركة من دون محفزات أو أي شي !
يوجد 4 مضاربين (ممكن يكونوا أفراد أو صناديق بنوك أو حتى قرووب) ، عندهم فلوس كثيرة وشوية مخ ، ويبون يطلعون ربح 100,000 ألف(لكل واحد في يومين فقط !!!)
في سهم مسكين (ونائم) وسعره حاليا 100 ريال في السوق
تبدأ القصة بسلسلة الشراء المربوطة والمتقنة الاحترافية .
المرحلة 1. يشتري مضارب رقم 1 ، 20,000 ألف سهم من السوق بسعر 100 ريال (على دفعات ، إما على نار هادية أو بإختطاف من المعروض) ، بعدما يجمع هالكمية ، يقوم بإصدار أوامر بيع ب 105 في السوق ! ولكن فقط نصف الكمية (فقط 10,000 ألف سهم)
المرحلة 2.لكن ، مين إللي بيشتري من مضارب رقم 1 ؟ ، طبعا ، مضارب رقم 2 (على دفعات ، خل نقول 4 دفعات 2,500 كل دفعة) ب 105 ريال. بهذايصفي عند مضارب رقم 1 10,000 سهم ، وكذلك مضارب رقم 2 نفس الكمية.
المرحلة 3. يتحرك مضارب رقم 2 حيث تبدأ عملية عرض بيع الأسهم إللي شراها ب 105 ليعرضها على 110 ريال (نسبـــ %ــة !!!!) ، مين المتفائل إللي بيشتري ، شي أكيد مضارب رقم 3 (أيضا على دفعات) ، كل الكمية 10,000 سهم ، الحين مضارب رقم 2 صفى محفظته.
المرحلة 4. بعد ذلك ، مضارب 3 يبي يسوي شوية ربح ، فحط أمر بيع ثاني يوم على 115 ريال ، 10,000 سهم (كل إللي شراه أمس من مضارب رقم 2)،
منو المسكين إللي يبي يشتري الحين ؟ ، شيئ أكيد مضارب 4 ، بهذا يتخلص مضارب رقم 3 من كل أسهمه ويصفي محفظته ،
الحين مضارب رقم 4 ! ، في أول القصة ، كان مضارب رقم1 عنده 20,000 ألف سهم باع نصفهم على مضارب رقم 2 ، والآن تحين الفرصة للشراء المزيد ،
يبيع مضارب رقم 4 كل أسهمه على مضارب رقم 1 ، ويصير عند مضارب رقم 1 ، 20,000 سهم (عشرة من قبل ب 100 و الحين عشرة ب120 ريال)يبيعهم على صغار المضاربين بسعر السوق (المتحجر والواقف على قرابة النسبة 120 ريال ، حيث الطلبات في زيادة متواصلة لتفاؤل الناس في الشراء).
زين شنو الزبدة ؟ ! ، كل مضارب ربح 50,000 ريال بإستثناء مضارب 1 ، ربح 250,000 ألف ريال (يأخذ 100,000 ألف ريال لنفسه، ويوزع ال 150,000 ألف ريال بالتساوي على الشباب الثلاثة الباقين)
سؤالي ، هل الشركة ربحانة ؟ فيها حوافز ؟ أو أي شيئ ؟ ،
الجواب البسيط : مو مهم !!! ، الهوامير يبون يربحون وبس !
ملاحظة : الإسلوب أو الطريقة أو التكتيك هذا ممكن يعمله شخص واحد بأربع محافظ ، أو حتى بمحفظة واحدة ، إذا عنده فلوس زيادة !
ملاحظة : يمكن عمل هذي الطريقة بعدد كبير من المحافظ و القروبات و تختلف الطريقة على حسب السهم و الكميات .
